Урыстәыла Ашәарҭадара Афедералтә Маҵзуреи Аԥсны Аҳәынҭқарратә шәарҭадара Амаҵзуреи усзуҩцәа реицхыраарала жәларбжьаратәи аҳаирбаӷәаза «Аҟәа» аҟны имҩаԥгаз аоперативтә уснагӡатәқәа ирылҵшәаны даанкылан  1980 шықәсазы ииз Урыстәылатәи Афедерациа атәылауаҩ.

«Аԥсни Аахыҵ-Уаԥстәылеи рҟнытә еиҭаҵыз ауааи ахҵәацәеи рҭагылазаашьазы» ООН Ассамблеиа хада азолиуциа рыдыркылеит аԥсуа ган агәаанагара ҳасаб азымуӡакәа.

Аҳәынҭқарра Ахада аусурамш аҩныҵҟала идикылеит ҩажәижәаҩык инарзынаԥшуа ауаа.

Инацҵаны акласс ҿыцқәа цәырҵраны иҟоуп А.К. Чачба ихьӡ зху Аҟәатәи асахьаҭыхратә ҵараиурҭаҿы.

Аԥсны адәныҟатәи аусқәа рминистр Олег Барцыц ииун 5 азы усуратә визитла Урыстәылатәи Афедерациахь днеит. Убри аҽны аусуратә еиԥылара мҩаԥигеит Урыстәылатәи Афедерациаҿы иҟоу Аԥсны Аҳәынҭқарра Ацҳаражәҳәарҭа аҟны.

Арасаӡыхь ақыҭа инхо Багаҭелиаа рахьтә Аџьынџьтәылатә еибашьра иалахәын жәҩык. Урҭ рахьтә аԥсадгьыл рхы ақәырҵеит быжьҩык.