Абас ахьӡиҵеит аскульптор Архип Лабахәуа ҿыц иааиртыз аскульптура аӡыршә. Уи ықәыргылоуп Аҟәа, Леон имҩаду аҟны Аҧсны Амилаҭтә банк амузеи аҿаҧхьа. Аскульптура аартрахь иааиз рҿаҧхьа дықәгыло, Архип Лабахәуа иазгәеиҭеит, ари аидеиа иара иҵазҳәаз амузеи анапхгаҩцәа Асҭамыр Ҭаниеи Беслан Бараҭелиеи шракәу. «Ари аирыӡ аҧара ҿырпқәа зҭышәшәо, сара избеит амузеиаҿ. Аҧараҿырп – аџьаз иалху антикатәи аамҭа иатәуп. Сара иаҧысҵеит аҵан, алегенда излаҳәо ала, ажәытәан Аҧсны ашьхатәылан инхон  аҵан уаа ҳәа шьоукы, урҭ убри аҟара иуаа ссақәан, аҭырас иқәлан икарҿон», – иҳәеит иара. Абарҭ рхаҿсахьа ауп аскульптор  ихы иаирхәаз иаҧҵамҭаҿы. Уи аус адиулон ҩымз ирҭагӡаны. Иара иажәақәа рыла, ирҿиамҭа аҧҵара изымариахеит. Аирыӡ иҭышәшәо аҧараҿырп еиҩаӡоит иргаразы ҩыџьа аҵануаа.

Иван Миқаиа аҧсуа литератураҿы иацы иахьа дцәырымҵит. Акыр шықәса ҵуеит уи аҧсуа поезиа дазааҧсоижьҭеи. Ааигәа аҧхьаҩцәа ироуит ишәҟә ҿыц «Ашьхақәа рхы ладырҟәӡом» еиднакылоит аҵыхәтәантәи ашықәсқәа рзы иаҧиҵаз ажәеинраалақәа.

Жәабран 27, 1919 шықәса рзы иҭыҵит аҧсышәала ицәажәаз раҧхьаӡатәи аҧсуа газеҭ «Аҧсны». Уи ашьаҭаркҩыс дыҟан Дырмит Гәлиа. Убри инамаданы ари амш Аҧсны амассатә информациатә хархәагақәа ирымш ныҳәаны ишьоуп. Абри амш ныҳәа аламҭалаз Аҧсны ажурналистцәа Реидгыла имҩаҧнагеит 2022 шықәсазы ажурналистцәа ирылаҳәаз аконкурс аихшьалақәа рылаҳәара. Аконкурс азкын Аҧсны жәлар Рџьынџьтәылатә еибашьра иадҳәалоу, зыӡбахә зынӡаск ирымҳәац аиба­шьцәа, мамзаргьы аибашьратә хҭысқәа.

Аԥсны Ахада Аслан Бжьаниа изаамҭанытәу арратә хьӡқәа рыхҵаразы Аусԥҟақәа инапы рыҵаиҩит.

Аԥсны аҳәынҭқарратә шәарҭадара Амаҵзура ахантәаҩы, аполковник Киут Роберт Витали-иԥа ихҵоуп «аинрал-маиор» ҳәа изаамҭанытәу арратә хьӡы.

«Ари абилеҭ ганкы мацара узгоз акәын» – далагоит Аҧсныҟа иаара иазку ажәабжь аибашьра аветеран, Леон иорден занашьоу Альҧер Бганба. Аҧсны иадҳәалоу уи иҭоурых алагеит нанҳәамза 14,1992 ш.рзы. Альҧер Аҧсны аӡбахә бзианы идыруан, аҩны иҭаацәа еснагь ирҿакыз, лассы-лассы зыӡбахә рҳәоз акәын.

Февраль 28 азы Аԥсны Ахада Аслан Бжьаниа Аминистрцәа Реилазаареи Аԥсны Жәлар Реизареи рнапхгара алархәны, есымчыбжьатәи аилацәажәара мҩаԥигеит, – иаанацҳауеит Аԥсны Ахада исаит.

Аилацәажәара аартуа, атәыла Ахада иҟаз иреиҳәеит Урыс­тәылатәи Афедерациа ашҟа иусуратә ныҟәареи Ареспублика Беларус ахь инеиреи рылҵшәақәа ртәы. Раԥхьаӡа иргыланы, Аслан Бжьаниа дрылацәажәеит Минск иҟазаара алҵшәақәа, иаҵишьит Беларус еснагь аиҩызаратә политика шымҩаԥнагоз ҳтәыла аганахьала. Ахәҭакахьала, Беларус адымгылаӡеит 1992-1993 шықәсқәа рзтәи аибашьра ашьҭахь ИАР атәылақәа рганахьала Аԥсны амацәаз аҭакра.