Ҟарачы-Черқьестәи Ареспубликахь иныҟәара аан Аҧсны Ахада Аслан Бжьаниа диҧылеит Адунеизегьтәи аҧсуа-абаза конгресс Иреиҳаӡоу ахеилак ахантәаҩы Мусса Екзеков, – иаанацҳауеит Аҧсны Ахада ипресс-маҵзура.

Сынтәатәи аҵарашықәс ҿыц алагамҭазы Аҧсны аҩнуҵҟа ахәыҷқәа рыдкылара иазхианы иаатит 153 школ. Урҭ рахьынтәи 60 – қалақьтә школқәоуп. Уаҟа аҵара рҵоит 17 нызқьи 66-ҩык ахәыҷқәа. Ақыҭа школқәа ыҟоуп – 113. Уаҟа аҵара рҵоит 11 нызқьи 56-ҩык аҵаҩцәа. Аҧсны аҩнуҵҟа иҟоуп аҧсуа школқәа 60, аурыс – 52, аурыс-аҧсуа школқәа – 16. Иара убасгьы, 25 аерман школқәа. Ахәыҷбаҳчақәа ракәзар – 39, аколлеџьқәа – 5. Абарҭ аҵаратә усбарҭақәа русура шеиҿкаау, еихьӡарақәас ирымоу, мамзаргьы ҧынгылақәас иҟоу уҳәа ртәы дазааҭгылеит Аҧсны Аҳәынҭқарра аҵареи абызшәатә политикеи рминистр Инал Габлиа  агазеҭ "Аҧсни" ателехәаҧшра "Абазеи" ириҭаз аинтервиу аҟны.

Ҳаҭыр зқәу Рашид Бориспи-иҧа, ҳҭыр зқәу ара иҟоу, Шәареи Ҟарачы-Черқьестәыла милҭрацәла еилоу ажәлари ишәыдсныҳәалоит шәреспублика 100 шықәса ахыҵра. Агәахәара снаҭоит шәыгәҭа  сахьыҟоу. 1922  шықәса ианвар 12 ашьха ҧагьақәа, ицқьоу, икеикеиуа аӡиасқәа, аӡҭачқәа, ихәышәтәыгоу аӡырҧхақәа  рыла ибеиоу Нхыҵ-Кавказ арегион ҧшӡақәа руак алахьынҵаҿы акырӡа зҵазкуа рыцхәуп.

Урыстәыла Аҧсны аҟны анапы аҵанаҩуеит ҩынтәны атәылауаҩра азҵаарақәа рҭышәныртәаларазы аиқәшаҳаҭра. Изыхәҭоу адҵа шьақәирҕәҕәеит Урыстәылатәи Афедерациа Апрезидент Владимир Путин. Уи кьыҧхьын ахәашаҽны азинтә информациа аофициалтә портал аҟны, – иаанацҳауеит ТАСС.

Аҧсны Ахада Аслан Бжьаниа Черқьеск диҧылеит Ҟарачы-Черқьестәи Ареспублика Ахада Рашид Темрезов, – иаанацҳауеит Аҧсны Ахада ипресс-маҵзура. Аҧсны Ахада дидныҳәалауа, Рашид Темрезов иаҵишьит Аҧсни Ҟарачы-Черқьестәи Ареспубликеи рыбжьара аешьаратә еимадарақәа рырҿиареи рырҕәҕәареи акырӡа шрыҵаркуа. "Сара сзы ҳаҭыр дууп ҳреспублика еиҿыркааижьҭеи 100 шықәса аҵра аныҳәаҿы шәбара. Ари ҳамҭа дууп - абас еиҧш иҟоу аныҳәаҿы ҳашьцәа аҧсуаа рбара. Иҭабуп, абри аҽны шәахьҳалагылоу азы", – иҳәеит Ҟарачы-Черқьестәи Ареспублика Ахада.

Мышқәак раҧхьа  Ауадҳара  аусура  хнаркәшеит ақәыҧшцәа Аҟәатәи рыҩны  еиҿнакааз  ашколхәыҷқәа рзы алагер. Иара амҩаҧгара алыршан аиҿкаара  ИУНИСЕФ иҟанаҵаз  афинанстә цхыраара иабзоураны. Ақәыҧшцәа Аҟәатәи рыҩны, ари аҩыза алагер  Ауадҳара еиҿнакаауеижьҭеи сынтәа  ҩажәи хҧа шықәса ҵуеит. Мчыбжьык  аҩныҵҟа араҟа  рыҧсы ршьон Аҧсны араионқәа зегьы рҟынтәи жәаха шықәса инадыркны жәибжь шықәсанӡа зхыҵуа ашколхәыҷқәа. Етапк аҩныҵҟа зныкала рыҧсы еицыршьон ҩажәи жәаф-ҩык . Алагер аиҿкааҩцәа ражәақәа рыла, иара хықәкыс иамоуп  аҿарацәа  аҧсабара агәыбылра  дыркра, уи ахылаҧшра, ахӡыӡаара рылааӡара.