Аԥсныпресс. Рашәарамза 29 рзы Аминистрцәа Реилазаара аилатәара мҩаԥысит.  Амшхәаԥштә хада зынӡа иалагалан 11 зҵаара, иназыцҵоу – ԥшьзҵаарак.

Рашәарамза 29 азы имҩаԥысыз Аҳәынҭқарратә Дума аилатәараҿы ҩбаны иҟоу атәылауаҩра иадҳәалоу азҵаара аӡбаразы Урыстәылатәи Афедерациеи Аԥсны Аҳынҭқарреи ирыбжьарҵахьаз аиқәшаҳаҭра аратификациа азун. Абри азы адырра ҟанаҵоит Интерфакс.

Аԥсны Ахада Аслан Бжьаниа Алеқсандр Лукашенко Ареспублика Беларус ахьыԥшымра Амш идиныҳәалеит.

Аԥсны Ахада Аслан Бжьаниеи Урыстәылатәи Афедерациа Апрезидент Владимир Путини ҭелла аицәажәара рыман. Атәыла Ахада ӷәӷәала дшадгылоу иҳәеит азакәанреи аконституциатә леишәеи рышьақәыргыларазы Урыстәылатәи Афедерациа анапхгара русқәа, – иаанацҳауеит Аԥсны Ахада исаит.

Аҟазара, хаҭала атеатртә ҟазара ажәларқәа еимаздо ахьтәы цҳа иаҩызоуп. Иаҳхысыз амчыбжьаз агастрольқәа рҟынтә ихынҳәит Фазиль Искандер ихьӡ зху аурыс драматә театр актиорцәа.

Аҧхьаҩцәа ироуит Аҧсны ашәҟәыҩҩцәа Реидгыла иатәу  алитература-уаажәларратә журнал «Алашара» ахҧатәи аномер.