1961 шықәсазы идыргылаз, Тҟәарчал ақалақь аҩ-хәҭак: хыхьтәи ҵаҟатәи еидызкыло ақалақьтә мардуан аиҭашьақәыргылара напы адыркит. Шықәсырацәа ҵуеит ари амҩангага ауаа рхы иадырхәоижьҭеи, убри азы аҭыԥантәи аиҳабыра уи еиҭашьақәыргылахарц рыӡбеит. Аҭыԥантәи абиуџьет аҟынтәи афинанстә цхыраара змоу апроект анагӡара мҩаԥнагоит Георги Харчлаа напхгаҩыс дызмоу ООО «Союз-W» акомпаниа.

Иҭыҵит алитература-сахьаркыратә, ауаажәларра-политикатә журнал «Алашара» ахԥатәи аномер.

Аԥснытәи аҳәынҭқарратә университет есышықәса имҩаԥнагоит «Аҳаракырахь амҩа» ҳәа хьӡыс измоу аолимпиада. Уи хықәкыс иамоуп аҵара аганахьала аҟыбаҩ злоу аҿар ралԥшаара, ацхыраара рыҭара, алшара бзиақәа рзаԥҵара.

Аԥсны иҟан Урыстәылатәи Афедерациа аекономикатә ҿиара Аминистрра аделегациа. Уи напхгара аиҭон Урыстәыла аекономикатә ҿиара аминистр ихаҭыԥуаҩ Дмитри Вольвач.

Амилаҭтә журналистика арҿиараҿы рлагаламҭазы, акьыԥхь аганахьала рылшамҭақәа рзы  агазеҭ «Аԥсны» 105шықәса ахыҵра инамаданы «Аԥсны Аҳәынҭқарра акультура зҽаԥсазтәыз аусзуҩы» ҳәа аҳаҭыртә хьӡы рыхҵазааит: Ахра Анқәаб, Борис Қаџьиа, Кристина Инаԥшьба, Наира Сабекиа, Стелла Сақаниа, Хьыбла Ҳашба.

Аԥсуа журналистикаҿы шықәсы рацәала, лҵшәа бзиала русуразы агазеҭ «Аԥсны» 105 шықәса ахыҵра аҳаҭыр азы «Аԥсны Аҳәынҭқарра зҽаԥсазтәыз ажурналист» ҳәа аҳаҭыртә хьӡы рыхҵазааит: Алиса Гәажәба, Шарида Торчуа, Альбина Жьиба, Елана Лашәриа.

Изыхәҭоу Аусԥҟақәа инапы рыҵаиҩит Аԥсны Ахада Аслан Бжьанаиа.