Аҧсны Ахада Аслан Бжьаниа асабша ашьжьымҭан Очамчыра араион Тамшьтәи абжьаратә школ иеиҭеит автобус, – иаанацҳауеит аҳәынҭқарра Ахада ипресс-маҵзура. Иара ихаҭа абри ашкол далгеит. Уаҟа рҵаҩцәас аус руан иара иани иаби.

Нанҳәамза 17 рзы Аҧсны Ауаажәларратә палатаҿы имҩаҧысит Аҧсны Ахада Аслан Бжьаниа далархәны аилатәара. Уи ҩ-сааҭк инарзынаҧшуа ицон. Аилатәара аартуа Ауаажәларратә палата амаӡаныҟәгаҩ, Аҧсны Анацәа Рхеидкыла аиҳабы Гәыли Кьычба илҳәеит, иахьатәи ҳаамҭазы Пицундатәи аҳәынҭдача иазкны Аиқәышаҳаҭра анапаҵаҩразы ауаажәларраҿы иҟоу агәынамӡарақәа инарымаданы, гәыҧҩык ауаажәларра рхаҭарнакцәа ашәҟәы шырҩыз Ауаажәларратә палатахь, алацәажәара ахаҵгыларазы.

Аҧыза-министр Алеқсандр Анқәаб имҩаҧигаз аусуратә еилацәажәараҿы дазыӡырҩит Аҧсны асоциал-економикатә рҿиара ацхраара иазку Аинвестициатә программа инақәыршәаны иазгәаҭоу усмҩаҧгатәқәак ирынагӡашьоу азы аҳасабрба, – иаанацҳауеит Аҧсны Аминистрцәа Реилазаара асаит.

Шьамтәыла адәныҟатәи аусқәа Рминистрра ахада Феисал Миқдад официалтә визитла Аҧсны даҭааит Москваҟа иныҟәара ашьҭахь. Уи мҩаҧысит август 23 азы. РИА Новости аҟны абри азы адырраҭара ҟаиҵеит Урыстәылан иҟоу Шьамтәылатәи ацҳаражәҳәаҩ Риад Ҳаддад. Миқдад игәы иҭоуп Аҧсны аофициалтә хаҿқәа рҧылара.

Август 19 азы Шәача ақалақьтә еизара азал аҟны имҩаҧысит азакәанҧҵараҿы аусеицуразы, азакәанқәа реизааигәатәразы, акоммуникациақәа рырҿиареи рырмариареи рзы Урыстәылеи Аҧсни Рпарламентбжьаратә усуратә гәыҧ аилатәара, – иаанацҳауеит Аҧсны адәныҟатәи аусқәа Рминистрра Амедиацентр.