Аилацәажәараҿы ирзааҭгылеит Ареспубликатә унитартә наплакы «Амшынеиқәафымцамч» аусзуҩцәа рхыԥхьаӡара аҭышәныртәалара, аарыхра знапы алаку аусзуҩцәа руалафахәы ашьҭыхра уҳәа азҵаарақәа. Ҷыдала ахшыҩзышьҭра рзыҟаҵан афымцамч аԥхьаӡагақәа рықәыргылара, ашәахтәқәа рылхра азҵаарақәа.

Аилацәажәара иалахәын Аԥыза-министр ихаҭыԥуаҩ, аекономика аминистр Кристина Озган, Ареспубликатә унитартә наплакы «Амшынеиқәафымцамч» аиҳабы Ҭемыр Џьынџьал, уи актәи ихаҭыԥуаҩ Ҭенгиз Гырџьынба.