Аԥсны Ахада Аслан Бжьаниа Урыстәылатәи Афедерациа Ахада Владимир Путин Ашықәс ҿыци Қьырсаныҳәеи идиныҳәалеит.

Адныҳәаларатә цҳамҭаҿы, иазгәаҭоуп:
«Ҳаҭыр зқәу Владимир Владимир-иԥа!
Ишәыдысныҳәалоит Ашықәс ҿыци Қьырсаныҳәа лашеи!
2024-тәи ашықәс ҿыц Урыстәылатәи Афедерациа Шәара шәнапхгарала иаԥылоит аиашареи, аҳаҭыреиқәҵареи, асуверенитети рпринципқәа шьаҭас измоу адунеишьақәгылара аформат ҿыц ҳәаақәызҵо иӷәӷәоу аҳәынҭқарра статус аманы. Гәыҩбара ыҟам, Шәара имҩаԥыжәго аполитика аурыс жәлари, шәҩызцәеи, Урыстәыла ду иадгыло зегьи аԥхьаҟагьы адгылара шанаҭо.
Иҳаҩсыз ашықәс ианыԥшит еиԥҟьарада имҩаԥысуаз Аԥсни Урыстәылеи реизыҟазаашьақәа рыҿиара. Ирыҵаҩуп Аԥсны Аҳәынҭқарреи Урыстәылатәи Афедерациеи рыбжьара акрызҵазкуа, аҩ-ганкгьы рыҿиареи рсоциал-економикатә еимадарақәа рырӷәӷәареи ирызку аиқәшаҳаҭрақәа.
Ахә ҳаракны иаҳшьоит ҳазҭоу ашықәс жьҭаарамзазы имҩаԥысыз аиԥылараҟны Аԥсны Аҳәынҭқарра иамоу ауадаҩрақәа инарымаданы иаашәырԥшыз азҿлымҳара. Агәра згоит, иалыршоу аихьӡарақәа шьаҭас иаҭаны Шәаргьы ҳаргьы ҳусеицура арегион аҟны аҭынчра арӷәӷәареи, ашәарҭадареи рус ала ҩ-ганктәи аизыҟазаашьақәа аԥхьаҟагьы рыҿиара ишацхраауа.
2024-тәи ашықәс алшара дуқәеи иазгәашәҭаз аусқәа рынагӡареи ирышықәсхааит! Ҳаҭыр зқәу Владимир Владимир-иԥа, иара убас Урыстәыла ауаажәларра зегьы, ишәзеиӷьасшьоит аҭынчра, аихьӡарақәа, аиааира ҿыцқәа!»

Урыстәылатәи Афедерациа Ахада Владимир Путин Аԥсны Аҳәынҭқарра Ахада Аслан Бжьаниа ихьӡала адныҳәаларатә шәҟәы ааишьҭит.

Аԥсны Аҳәынҭқарра Ахада Аслан Бжьаниа Аԥсны жәлар Ашықәс ҿыц рыдиныҳәалеит.
Акыр иаԥсоу сыуаажәлар!

Аҧсуаа рҵас, рқьабз иузаҟәымҭхо, рмилаҭтә цәаҩа зныҧшуа акы акәны иҟоуп имҩаҧырго аныҳәақәа. Даараӡа ҭакҧхықәралагьы ирызнеиуеит урҭ. Зегьы реиҳа ихадоу аныҳәақәа ирылыркаауеит Ажьырныҳәа. Ашықәс Ҿыц иадҳәалоу, аха зхатәы ҭоурых змоу, акәама-ҵамақәа маҷымкәа изцу ари аныҳәа аҧсуаа иазгәарҭоит ргәацҧыҳәаны.

Адныҳәаларатә шәҟәаҿы, ахәҭакахьала, иазгәаҭоуп: «Ҳаҭыр зқәу Хьыбла Леуарса-иԥҳа! Ишәыдысныҳәалоит шәирамш, гәахәара дула иахьа зықьҩыла шәҟазара абзиабаҩцәа иҟарҵо адныҳәаларақәа ирыцысҵоит.