Англыз ҵарауаҩ, кавказтәи абызшәақәа рыҭҵааҩы, апрофессор Џьорџь Хьиуитт 75 шықәса ихыҵит. Хьиуитт (Браиан) Џьорџь диит 1949 ш. ноиабр 11 рзы Донкастер ақалақь аҟны (Британиа Ду).

Аԥыза-министр ихаҭыԥуаҩ, аенергетикеи атранспорти рминистр Џьансыхә Нанба Аԥсуа телехәаԥшра аефир ала Аԥсны аенергетикатә усхкаҿы иҟоу аҭагылазаашьа атәы еиҭеиҳәеит.

Очамчыра араион Џьгьарда ақыҭан ахәышәтәырҭа аныуашәшәыраха, 2017 шықәсазы иқәыргеит, хәҭакахьала хыбра ҿыцк авадыргылт. Иҳаҩсыз ашықәс азы аҭыԥантәи анхацәа аиҭашьақәыргаларатә усурақәа ирыцырҵеит.

Очамчыра араион Кындыӷ ақыҭан 1992-1993 шықәсқәа рзы Аԥсны жәлар Рџьынџьтәылатә еибашьраан иҭахаз рбаҟа аиҭашьақәыргыларазы аусурақәа мҩаԥысуеит.

Ноиабр 12 азы Ауаажәларратә палата алахәылацәа ажурналистцәа ирзеиҭарҳәеит аҭагылазаашьа арԥсыҽразы дара имҩаԥыргоз аиҿцәажәарақәа ртәы.

Ареспубликатә мҩаду аԥҵәара иахылҿиааз аҭагылазаашьа инамаданы атәылауаа рахь ааԥхьара ҟаиҵеит Аԥсны Ахада Аслан Бжьаниа.