Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru
Агазеҭ шьаҭаркуп 1919 ш. февраль 27 азы.
«Апснымедиа» адиректор хада: Џьопуа Р.Р.
Аҭел: +7 (840) 226-89-89
Аелектронтә адрес: apsnymedia@gmail.com
Аҟәа, Аминистрцәа реилазаара аконференциатә зал аҿы иаатит аҭоурыхҭҵааҩцәа-кавказҭҵааҩцәа жәларбжьаратәи рфорум «XVIII-XXI ашәышықәсақәа рзы Кавказ ажәларқәа: аҭоурых, аполитика, акультура».
Афорум адҳәалоуп Аџьынџьтәылатәи еибашьра Дуӡӡаҿы аиааира агара амш 80 шықәса ахыҵреи, Аԥсны раԥхьатәи ахада, академик Владислав Григори-иԥа Арӡынба 80 шықәса ихыҵреи, Д. И. Гәлиа ихьӡ зху Аԥсуаҭҵаара институт шәы-шықәса ахыҵреи.
Аҳәынҭқарра Ахада Бадра Гәынба афорум алахәылацәа рҿаԥхьа дықәгылеит.
«80 шықәса раԥхьа, Аиааира Дуӡӡа ашықәсаз, диит аҭоурых наунагӡа зыхьӡ анылаз – Аԥсны раԥхьатәи ахада, иналукааша аҵарауаҩ, амилаҭтә ԥыза Владислав Григори-иԥа Арӡынба. Афашизм аиааира ашықәсаз ииз, Аԥсны Аџьынџьтәылатә еибашьраҿы Аиааира агара дасимволны дҟалеит», – иҳәеит Аҳәынҭқарра Ахада.
Ахԥатәи аиубилеитә рыцхә – Д. И. Гәлиа ихьӡ зху Аԥсуаҭҵааратә институт 100 шықәса ахыҵра дазааҭгыло Бадра Гәынба иазгәеиҭеит:«Амилаҭтә культуреи, абызшәеи, аҭоурыхи реиқәырхареи рыҿиареи рзы акрызҵазкуа ароль шынанагӡаз».