Аԥснытәи аспортсмен Елҟан Гәазаа далахәхоит иуль 16-21 рзы Новосибирск ақалақь аҟны имҩаԥысраны иҟоу атлетика хьанҭа азы Урыстәыла ачемпионат. Уи рҽалархәра азԥхьагәаҭоуп акапантә категориақәа 20 рҟны еиндаҭло Урыстәыла акәакьқәа 65 рахьтә, 300-ҩык аидара ханҭа ашьҭыхҩцәа.Елҟан дықәгылоит зыкапантә категориа 61 кь. иҟоу рыбжьара, Ҭаҭарсҭан ахьӡала.

Абызшәатә политиказы аҳәынҭусбарҭаҿы иӡырган аԥсышәала иҭыҵыз аудиошәҟәқәа хәба.Атекстқәа абжьы ахарҵеит аԥсуа актиорцәа. Арҭ рҩызцәа аудиошәҟәқәа рзыӡыҩрра аԥхьаҩцәа агәахәа рнаҭоит. Иахьатәи аамҭазы ари аформат ажәлар еиҳа ирзааигәоуп, иргәаԥхоит,еиҳаракгьы еиҵагыло абиԥара.Аманда Анталаа

Аԥсуаа жәытә-натә аахижьҭеи рыԥсҭазаара аҟазара иагәыцә хадан. Ажәлар шәышықәсала иаԥырҵоз ашәақәеи акәашарақәеи абырлаш еиԥш иԥсаҟьаны ҳмилаҭ ирыларыԥсон.

Аҩбатәи абжьаратә школ аҿы имҩаԥысит Аҟәа ахадара аҵара аҟәша еиҿнакааз ахԥатәи аԥхынтәи арҵаҩратә ҟазаратә школ аусура аихшьаала.Шықәсык инаркны хәышықәса рҟынӡа аусуратә ԥышәа змоу ҩышәҩык инарзынаԥшуа арҵаҩцәа қәыԥшцәа аҟазаратә классқәеи атренингқәеи ирылахәын.Аҵара аҟәша еиҿнакааз арҵаҩратә ҟазаратә школ апроект адгылара арҭеит аҳҭнықалақь ахадара. Уажәшьҭа хышықәса ҵуеит Аҟәатәи арҵаҩцәа рыҩнуҵаҟа азҿлымҳара ду аҵаны имҩаԥысуеижьҭеи ари аусмҩаԥгатә.

Жәытә-натә аахыс ҳажәлар ирылиаауеит дара рыхьӡ ҭызго, Аԥсны адунеижәлар ирзырдыруа аҵеицәа. Убарҭ дыруаӡәкуп еицырдыруа аоператә шәаҳәаҩы, ҭеиҭԥшла, бжьыла адунеи асценақәа зыршанхахьоу, ҳажәлар зызгәдуу, еҵәахәыс иршьо Хьыбла Гьерзмаа.