Октиабр 30 азы Аԥсны аполитикатә репрессиақәа ирыладырӡыз ргәалашәара Иамшын. Сариа Лакоба лыхьӡ зху абаҳчаҿы имҩаԥысит урҭ ирызку абаҟа ашьапаҿы ашәҭқәа рышьҭаҵара. Иалахәын Аԥсны Ахада Аслан Бжьаниа, Аиҳабыра иалоу, Жәлар Реизара адепутатцәа, ауаажәлар рхаҭарнакцәа.

Ари аԥхын азы аԥсуа рок-гәыԥ «Tom Square» ахәаԥшцәа ирыдыргалеит «Амцҳәаҩ» ҳәа хьӡыс измоу рашәала иҭыху аклип. Иара YouTube рхатә даҟьаҿы иӡыргоуп. Аԥсышәала иҩу арок ашәа иахылҿиааит ари аматериалгьы.

Абас ахьӡын иахьа В. Г. Арӡынба ихьӡ зху аибашьратә фырхаҵара Аҳәынҭқарратә музеи аҟны иаартыз афотоцәыргақәҵа.

Еицырдыруа аԥсуа ҵарауаҩ, арҵаҩы, аԥсуа жәлар рмилаҭ-хақәиҭтәратә қәԥара иалахәыз Екатерина Платон-иԥҳа Шьаҟрыл диижьҭеи 100 шықәса аҵра иазкны лара дахьынхоз аҩны №94 аҭӡаҿы икыдырҵеит амемориалтә ӷәы.

Жьҭаарамза 26-27 рзы Аҟәа ихацыркхеит аҩратә марафон. Уи ареспублика акәақьқәа зегьы, уи анҭыҵ аҟынтәигьы хыԥхьаӡара рацәала алахәылацәеи, ахәаԥшцәеи, аспорт абзиабаҩцәеи еизнагеит. Актәи амш азы ахәыҷқәа еиԥхныҩлон.