Маҷк аҭоурых Жәларбжьаратәи аҳәса рымш Март 8 ҳтәылаҿы иазгәарҭо иалагеит 1908 шықәса февраль 28 рзы.

Аԥсабара зегь анышәҭуа, ианеиныло, даҽа аамҭак иеиԥшымкәан ианыблахкыгоу ааԥынра раԥхьатәи амшқәа руак, Март 8 аҳәса ирымшныҳәаны иахьыҟоу машәыршақә иҟалаз акы акәым.

Март 5 азы Кремль имҩаԥысит Урыстәылатәи Афедерациа Ахада Владимир Путини Аԥсны Ахадас иалырхыз Бадра Гәынбеи реиԥылара. Уи иазку аматериал – агазеҭ анаҩстәи аномер аҟны.

Алхрақәа хыркәшоуп. Урҭ рылҵшәақәа рыла далхуп Аҧсны афбатәи ахада Бадра Гәынба, уи ихаҭыҧуаҩс Беслан Бигәаа. Абри инамаданы Жәларбжьаратәи апресс-центр аҟны алхрақәа рылҵшәақәа анрылаҳәаха ашьҭахь ажурналистцәа рзы абрифинг мҩаҧигеит Бадра Гәынба.

Апоет, акыраамҭа агазеҭ "Аҧсны ҟаҧшь" аҟны аус зухьаз ажурналист Кьыҵа Хабыгә-иҧа Ачба иҧа Зураб диит 1950 шықәса февраль 23 азы. Н.Лакоба ихьӡ зху Аҟәатәи ажәабатәи абжьаратә школ далгеит.