«Еснагь иуадаҩыз аамҭақәа раан аиԥш, ҳажәлар доуҳатә уасхырны ирзыҟалеит ауаҩы ибзиабара, аҭаацәара рыгәцаракра, наҟ-ааҟ аидгылара, аихаҵгылара реиԥш иҟоу аԥсуа ҵасқәа. Абри иаҳнарбоит егьырҭ аԥышәарақәагьы ҳшыриааиуа, ҳабацәеи ҳабдуцәеи рҳәахьақәа ҳашрызиашоу.

Аԥсны аҩнуҵҟатәи аусқәа Рминистрра анаркотикқәа реикәыршара ахылаԥшразы Аусбарҭа аусзуҩцәа иааныркылеит гәыԥҩык, Аԥсны зымч ӷәӷәоу анаркотик аҭира иаҿыз.

Атәылаҿы акриминогентә ҭагылазаашьеи, азеиԥш шәарҭадареи, азинлеишәеи ралыршара азҵаарақәа ирызкын Аԥсны аҩнуҵҟатәи аусқәа рминистр Вальтер Быҭәба имҩаԥигаз аусуратә еилацәажәара.

Жәлар Реизара адепутатцәа Ахра Ԥачлиеи Асҭамыр Герхелиеи ықәгылеит «ИАР атәылақәа рпарламентбжьаратә усеицуразы аполитикатә партиақәеи агәыԥқәеи рфрак­циақәа русеицура аҵакы» ҳәа III Жәларбжьаратәи аконференциа аилатәараҿы.

Урҭ рықәгыларақәа рҿы иазгәарҭеит Урыстәылатәи Афедерациеи Аԥсны Аҳәынҭқарреи иҵаулоу аҭоу­рыхтә еимадарақәа шрымоу.

Иҧсҭа­заара далҵит аҧсуа хаҵа-нага, Аҧсуара ныҟәыз­­гоз,  асоветтә аамҭазы аҧсуа жәлар рмилаҭ-хақәиҭ­ратә қәҧара иалахәыз, аџьабаа азыз­бахьаз, Аҧсуа ҳәынҭқар­ратә музеи аҟны аҭҵаарадырратә зҵаарақәа знапы ианыз адиреқҭор ихаҭыҧуаҩыс аус зуаз, аҵарауаҩ-аҭоурыхҭ­ҵааҩ, «Ҳаҭыр зқәу адоқҭор», «Ахьӡ-Аҧша» аорден занашьаз Таҷ Шьаабан-иҧа Гыцба.

Абарҭ амшқәа рзы имҩаԥысыз Аԥсны Жәлар Реизара аилатәараҿы адепу­татцәа актәи аԥхьарала ирыдыр­кылеит 2023 шықәсазтәи Ареспубликатә биуџьет. Уи ааигеит Аԥыза-министр ихаҭы­ԥуаҩ, афинансқәа рминистр Владимир Делба. Аԥсны аҳәынҭқарратәи ареспубликатәи абиуџьетқәа ршәага-загақәа шьақәыргы­­лоуп 2022 шықәса ииуль 28 азы Аԥсны Аминистрцәа Реилазаара ишьақәна­рӷәӷәаз асоциал-економикатә рҿиара Аиндика­­тивтә план ашьаҭала.