Абҵарамза 15 рзы имҩаԥысраны иҟан Жәлар Реизара аилатәара. Уаҟа иахәаԥшраны иҟан «Урыстәылатәи Афедерациа Анапхгареи Аԥсны Аҳәынҭқарра Анапхгареи рыбжьара Урыстәылатәи аиуристтә хаҿқәа рыла Аԥсны иахьаҵанакуа аинвестициатә проектқәа рынагӡаразы Аиқәшаҳаҭра» аратификациа азҵаара.

Женева ихыркәшахеит Аахыҵ-Ка­вказ аҟны ашәарҭадареи аҭы­шәынтәалареи рзы Жәларбжьаратәи Женеватәи аиҿцәажәарақәа 62-тәи рраунд.

Зегьы ишаҳдыруа еиԥш, ҳауаажәлар рахьтә иҟоуп зсоциалтә ҭагылазаашьа хьысҳау. Уи акатегориахь иаҵанакуеит анхарҭа ҭыԥқәа змамгьы.

Англыз ҵарауаҩ, кавказтәи абызшәақәа рыҭҵааҩы, апрофессор Џьорџь Хьиуитт 75 шықәса ихыҵит. Хьиуитт (Браиан) Џьорџь диит 1949 ш. ноиабр 11 рзы Донкастер ақалақь аҟны (Британиа Ду).

Аԥыза-министр ихаҭыԥуаҩ, аенергетикеи атранспорти рминистр Џьансыхә Нанба Аԥсуа телехәаԥшра аефир ала Аԥсны аенергетикатә усхкаҿы иҟоу аҭагылазаашьа атәы еиҭеиҳәеит.