Аԥшалас маӡажәак сзеиҭанаҳәарц аҭахушәа ԥшьаала иасуеит… Иҟалон уи аҵлабыӷьқәа зегьы еимданы, быӷьқәакгьы ҿыршәшәаны анаҩс аҽарҭынчыр, аха мап… Аԥшалас асуеит еиқәтәарада, аамҭа иахьанӡа иазаамгаз ҭоурыхк сзаанартырц агәы иҭоушәа. Шаҟа аҽырҭынчны, аԥсҭазаара агәбылра еизнарҳауазеи ари аԥшалас.

«Абас рҳәошәа слымҳа иҭаҩуеит Аԥсны зхы ақәызҵаз ақәрахьымӡақәа санрызхәыцуа. Ихьанҭоуп, ихьаауп аԥсҭазаара агьама абаха иахьымӡаз, аӡыхь ҿамҩа-заҵәыкгьы изаҿымхәаз ҳаҷкәынцәа-ҳаибашьҩцәа рыӡбахә аҳәара. Убарҭ дыруаӡәкуп Аԥсны Афырхаҵа Роберт Иуана-иԥа Габуниа.

Ажәҩан аҵаԥшра зцәыуадаҩыз, зхы шьҭымхӡакәа ицәажәоз аԥҳәыс лгәаҵа иаҵаҵәахыз ахьаа лнубаалон. Аҭаацәара ԥшӡа, зхы иақәгәырӷьо зыҩны иҩназ, зыхшара зааӡоз, аибашьра иахылҵыз арыцҳара имцабызха даблуа илыцран…Дәырԥшь ақыҭан, Ԥкьын Виссарион игәараҭаҿы 1972 шықәсазы аԥсуа чара ԥшӡа руит.

Аиааирахь амҩа даараӡа иуадаҩын, аҧсҭбара дуқәа ацын, аха ҳҵеи ду, амилаҭ-хақәиҭратә қәҧара аҧхьагыла, ҳаамҭазтәи Аҧсуа ҳәынҭқарра ашьаҭаркҩы, Аҧсны Раҧхьатәи Ахада Владислав Арӡынба игәҭакы анагӡараҿы, ахақәиҭра аагараҿы хьаҵра аазмырҧшуаз, Ҳаҧсадгьыл аҧышәара дуӡӡақәа ирылигеит.

Валери Валикәа-иԥа Гамгиа, збаҩхатәреи зҭыхымҭақәеи рыла Аԥсны анҭыҵгьы зыӡбахә наҩхьоу сахьаҭыхҩуп, графикуп, ҿыханҵаҩуп. Аԥснытәи АССР-и Қырҭтәылатәи ССР-и зҽаԥсазтәыз асахьаҭыхҩы, Аԥсни СССР-и рсахьаҭыхҩцәа Реидгыла алахәыла, Аԥсны Жәлар рфорум «Аидгылара» агәҭа иалагылаз, Аԥсны Аҳәынҭқарратә Бираҟи Агерби дравторуп.