«Есышықәса ҳаҭырла даҳгәалаҳаршәоит аԥсуа литература ауасхыр азышьҭаҵаҩ, Р. Гәымба ихьӡ зху Аԥснытәи аҳәынҭқарратә филармониа аҿаԥхьа игылоу ибаҟа амҵаг ҳаизоит, ари иԥшьоу ҭыԥны иҟалахьеит. Дырмит Гәлиа зегьы рхацыркраҿы дгылан, акыр акультуратә хәышҭаарақәа аԥиҵеит».

Д. И. Гәлиа ихьӡ зху Аԥсуаҭҵааратә институт анапхгаҩы Арда Ашәба иазгәеиҭеит:

«Иахьа иахьыҟазаалакгьы, аԥсуаа зегьы рзы акырзҵазкуа мшуп. Аԥсуа литература абду, аҵарауаҩ, аҭоурыхҭҵааҩ, афольклорист, аԥсуа культура аҭҵаарадырраҿы хәы змаӡам алагала ҟазҵаз Д.Гәлиа иира амш ауп».

Аҟәатәи ашколқәа рҵаҩцәа ирыԥхьеит Д.Гәлиа иажәеинраалақәа.