Акомиссиа алахәылацәа аицлабрахь иқәыргылаз абаҟа аескизтә проект иахәаԥшит. Ари абаҟа Аԥсны Аџьынџьтәылатә еибашьраҿы иҭахази Гал араион аҿы амаҵзуратә уалԥшьа анагӡараан иҭахази ргәалашәара иазкуп.

Апроект «Игәырҩо ан» авторцәас иамоуп асахьаҭыхҩы Ныгәзар Логәуеи аскульптор Цира Ахбеи.
Акомиссиа алахәылацәа аескизтә проект ргәаԥхеит, насгьы уи аус адуларазы абжьгарақәа ҟарҵеит.

Авторцәа урҭ абжьгарақәа ирықәшаҳаҭуп, абаҟа аҟаҵараан хшыҩзышьҭра азыруеит.