Еизгоу акоманда иалоуп актиорцәа, аблогерцәа, иҳаҩсыз ашықәсқәа раан КВН иалахәыз. Капитанс дшьақәырӷәӷәоуп Осман Абыхәба.

Акоманда анапхгаҩы Миха Ҵкәуа иажәақәа рыла, ҳазҭоу асезон азы Шәача ақалақь аҿы имҩаԥысуа афестиваль иалахәуп 500-ҩык апретендентцәа , уаҟа акоманда «Фантасмагорцы» алкаахарц азы, рхы бзианы иаадырԥшыроуп , анаҩс Москвеи Подмосковиеи рлига хадаҿы рҽышьақәдырӷәӷәароуп. Арҭ аетапқәа қәҿиарала рхысра иашьагәыҭхоит 2027 шықәсазы Актәи аканал ателехәаԥшратә лигахь анеира.

Акоманда апрограмма шьақәгылоуп иактуалтәу жәларбжьаратәи амшхәаԥштә азҵаарақәеи амилаҭтә цәаҩа зныԥшуа алафи рыла.