Гагра араион ауааԥсыреи Аԥсны атәылауаи ишәыдысныҳәалоит Гагра ахақәиҭтәра амш. Аԥсны жәлар рџьынџьтәылатә еибашьра аҭоурых аҿы ари арыцхә наунагӡа иаанхоит Аиааира Ду ашҟа амҩа аазыртыз раԥхьатәи шьаҿаны.

Уи ҳаибашьцәа рдоуҳамч шьҭнахит, ажәлар рыԥсы ҭанаҵеит, аӷа иакәзар игәы канажьит, аиааиразы агәрагарагьы ицәыӡит. Ари амш аҵакы ахә ашьара уадаҩуп – адунеи иқәынхо ажәларқәа зегьы иднарбеит аԥсуаа рхақәиҭразы рхы ишамеигӡо.

Иахьа ҳаҭырла иаҳгәалаҳаршәоит Гагра ахақәира зхы ақәызҵаз аԥсадгьыл ахьчаҩцәа, урҭ ргәаларшәара наӡаӡа иҳацзаауеит! Рфырхаҵара аҿаԥхьа ҳхы ларҟәны, иԥшьоу руалԥшьа наҳагӡоит, иззықәԥоз рус иацаҳҵоит.

Гагра араион – Амшын Еиқәа абырлашқәа иреиуоу Аԥсны амраҭашәарахьтәи агәашәқәа роуп. Иахьа Гагра аҿиарамҩа иануп: иманшәалоу аҭагылазаашьақәа аԥҵоуп, апаркқәа шьақәыргылоуп, арҿыцра иаҿуп аинфраструктура, ицәырҵуеит аԥсҭазаара бзиазы алшарақәа. Ари зегьы Гагра араион ауааԥсыра рыԥсадгьыл ахь ирымоу абзиабареи, рџьабааи ирылҵшәоуп.

Аԥсны ҳажәлар ари амш рыдныҳәало ирзеиӷьасшьоит аҭынчра, аизҳазыӷьара! 

Шьардаамҭа Аҧсынра!»