Ари ақыҭа иалҵны Рыԥсадгьыл ахьчаразы еибашьра ицеит 62-ҩык аибашьцәа, –  адырра ҟанаҵоит  Ochamchira_inform.

 Ақыҭауааи ақыҭа иаҭааз асасцәеи абаҟа амҵан ашәҭ шьыҵәрақәа шьҭарҵеит, ашколхәыҷқәа аибашьра аамҭа иазкыз ажәеинраалақәа ирыԥхьеит.

Аусмҩаԥгатә рхы аладырхәит Очамчыра араион ахада Алхас Кациа, Аԥсны атәылахьчара Аминистрра ахаҭарнакцәа, ауаажәларреи ақыҭауааи.

Абаҟа аартхеит Урыстәылатәи Афедерациа афинанстә цхыраара иабзоураны.