Адныҳәалараҟны иазгәаҭоуп:

   «Ҳаҭыр зқәу Аԥсны Аҳәынҭқарра амедицинатә усзуҩцәа! 

Гәык-ԥсык ала ишәыдысныҳәалоит Амедицина аусзуҩы Имш! Абри амш аҽны иҭабуп ҳәа расҳәарц сҭахуп ҵакыла зегь раԥхьа игылоу азанааҭ змоу, ауаҩы игәабзиареи иԥсҭазаареи знапы иану ауаа. Шәара шәус иҳаракӡоу азанааҭдырреи, ауаҩы ибзиабареи, ахамеигӡареи зҭаху усуп.

Хашҭшьа амаӡам 1992-1993 шш. Аԥсны Аџьынџьтәылатә еибашьраан шәара ишәылшаз. Урҭ  ашықәс хьанҭақәа раан, ахәшәқәеи амедицинатә маҭәахәқәеи рзымхара аныҟаз, ахымца шәаҿагыланы ишәылшәыршаз ухаҿы аагара цәгьоуп: аибашьра адәаҟны ҳаибашьцәа реиқәырхаразы уаҩ илымшоз шәылшәыршон, ахәра ӷәӷәақәа зауаз аԥсра иацәыжәгон. Шәара иаашәырԥшыз афырхаҵара ахааназы Аԥсны аҭоурых аҟны инхоит наунагӡа.

Ҳазҭагылоу аамҭазгьы, акороновирустә пандемиа аан даҽазныкгьы   иаашәырԥшит ахачҳара, агәымшәара. Убасҟангьы, аибашьра ашықәсқәа раан еиԥш, шәыԥсҭазаара ашәарҭа ишҭагылазгьы, хамеигӡарак ҟамҵакәа ҳауаажәлар ирылаҵәаз ачымазаара ҿкы бааԥс хаха шәаҿагылеит, шәҩыла ауаа рыԥсҭазаара аиқәырхарагьы шәылшеит.

Агәабзиарахьчара ахаҭабзиара аиӷьтәра атәыла анаԥхгара рнапы иану аусқәа рҟны раԥхьа идыргыло ахырхарҭақәа иреиуоуп. Иҳалшо зегьы ҟаҳҵоит ҳтәыла амедицинатә усбарҭақәа рматериал-техникатә лшарақәа реиӷьтәразы.

 Ҳаҭыр зқәу амедицинатә усзуҩцәа!  Даҽазныкгьы шәзанааҭтә ныҳәа шәыдныҳәало, иҭабуп ҳәа шәасҳәоит шәааԥсаразы. Шәнапы иану аус хьанҭоуп, аҭакԥхықәра ду ацуп. Гәык-ԥсыкала  ишәзеиӷьасшьоит агәабзиара, агәамч, анасыԥ. Шәыԥсҭазаара иагымзааит аихьӡарақәа, игәырӷьахәу аамҭақәа!».