Аҟаза ду инапкымҭақәа рбарц арахь имҩахыҵит Аԥсны Ахада Бадра Гәынба, асахьаҭыхҩы иҩызцәа, иҟазара абзиабаҩцәа.
Ацәыргақәҵа аартуа, уи аиҿкааҩ Ельвира Арсалиа аҭааҩцәа ирызналгеит даҽа хҭыс бзиак – Руслан Габлиа Аԥсны зҽаԥсазтәыз асахьаҭыхҩы ҳәа ахьӡ ҳаракы ихҵоуп.
Иара иахьа аус адиулоит аҿыханҵа, аграфика, аскульптура, даара амҽхак ҭбаауп иусура, ирҿиара.
«Анатиурморти апатреҭи, аԥшшәи анатуреи» ҳәа зыхьӡиҵаз хаҭалатәи ицәыргақәҵа иҳанаҳәоит уи ирҿиара зегь тема хаданы ишагәылсуа, анатиурморти, апатреҭи.
Ацәыргақәҵа аиҿкааҩ Ельвира Арсалиа иазгә́алҭоит, ацәыргақәҵа ушар шауа ҩ-хәҭакны анатиурмортқәеи, апатреҭқәеи ҳәа. Раԥхьаӡатәи анатиурморт асахьаҭыхҩы иаԥиҵеит апандемиа аамҭазы. Зегьы аҩны ҳаҩназкыз аамҭа, автор инаҭоит абри ажанр акырӡа аҽадцалара.
Аҩбатәи ахәҭа – апатреҭқәа хыԥхьаӡара рацәала иаԥиҵаз рҿы асахьаҭыхҩы аамҭак ицану иҩызцәа рхаҿсахьақәа ааирԥшуеит. Руслан иҭыхымҭаҿ аҵакы хада асахьала – аиԥштәра акәӡам, иара изы ихадароуп адоуҳатә аԥсихологиатә ҵаулара рнырԥшра. Ацәыргақәҵаҿ анатиурморти, апатреҭи еиҿагылом, урҭ дара-дара еиҳагьы ихеибарҭәаауеит», – азгәалҭеит Ельвира Арсалиа.
Ацәыргақәҵаҿы аҭааҩцәа зыршанхоз апортреҭқәа ируакуп: Владислав Арӡынба ипортреҭ 2022 шықәсазы иҭихыз. Ааигәа иаԥиҵаз ипортреҭқәа: Кьасоу Ҳагба, Ҭали Џьапуа, Лиубов Сосналиева, астудентка зыхьӡу.
Анатиурмортқәа ртәы ҳҳәозар: «Ашәҭқәеи аскрипкеи», «Анатиурморт адыга инструмент зну», «Ашәҭқәа аиаҵәаҿ».
Аԥсны асахьаҭыхыҩцәа Реидгыла алахәыла, Урыстәыла асахьаҭыхҩцәа Реидгыла иалоу Руслан Габлиа даԥсаҵәҟьаны ихҵоуп Аԥсны зҽаԥсазтәыз асахьаҭыхҩы ҳәа ахьӡ ҳаракы.

Н.Санцба